Ben White dha padyshim performancën e tij më të mirë deri më tani me fanellën e Arsenalit, pasi ai na ndihmoi skuadrën të mbajë një portë të paprekur në Anfield me 10 lojtarë, të enjten mbrëma në ndeshjen e parë të gjysmëfinales së Kupës Carabao.

Mikel Arteta ka qenë i kënaqur me paraqitjet e qendërmbrojtësit që nga ardhja e tij nga Brighton verën e kaluar dhe ka theksuar se qëndrimi i tij ka bërë të gjithë ndryshimin.

“Ai sapo është transferuar në klubin tonë dhe ka qenë këtu vetëm për disa muaj, por ai ka diçka dhe dëshiron ta bëjë atë”, tha menaxheri.

“Ai është shumë kërkues me veten, është me të vërtetë i gatshëm të mësojë dhe përmirësojë lojën e tij dhe është në vendin e duhur.

“Për sa i përket cilësive që pashë tek ai dhe çfarë kërkohet që ne të përpiqemi të rekrutojmë dikë si ai me cilësitë e tij, ishte e qartë. Pastaj edhe ato personalitete, ajo kimi duhet të ekzistojë [mes White dhe Gabriel].

“Ne mund të shohim se ata me të vërtetë kënaqen duke luajtur së bashku, ju mund ta shihni këtë, se kimia është atje dhe kjo është një shtesë masive kur ju kërkoni të ndërtoni diçka në fund”, ka deklaruar tekniku spanjoll.